Tiga rumah panjai di Ulu Niah kena bah

MIRI: Tiga buah rumah panjai ba Ulu Niah ditu dituntung penusah ampuh bah ketegal ujan bangat kena malam tadi (Hari Enam) .

Ketuai Balai Bomba enggau Penyah Penusah Batu Niah, Francis Aceh madahka piak bomba udah matau kandang menua ti dituntung penusah bah kemari pengudah nerima ripot bekaul penusah nya.

Ku Francis, bisi 176 pintu ari tiga buah rumah panjai nya dituntung penusah bah lebuh sida datai matau kia.

“Ba rumah panjai Steven Kedu, raban bomba tepedaka tikas ai majak niki tang endur nya likun enggau enda mindahka sida ti tasah bah ngagai endur bukai.

“Nambahka nya, tikas ai diripot makin surut ba rumah panjai Changgai enggau Belili,” terang iya.

Taja pia ku iya, jalai nya semina ulih dliawa ngena entukar 4WD taja tikas ai udah surut.

“Raban bomba udah nangkan peranak menua nya semampai beratika tikas ai.

“Bisi sekeda rumah semina ulih dilawa ngena entukar 4WD, nya kebuah raban bomba minta bantu peranak bukai bela ngemataka peranak menua nya,” ku Francis.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak