KUCHING: Serakup Pengajar Bumiputera Sarawak (KGBS) ngelalau bala pengajar enggau mensia mayuh anang kesal ati lebuh nerima berita pasal Covid-19 ditemu nyadi ba sebuah sekula ditu, apin lama ke udah.

Presiden KGBS, Ahmad Malie, madah, sida ngarapka pengatur pengawa sekula ulih bejalaika pengawa ke patut bepelasarka Atur Standard Pengawa (SOP) udah ditetap.

“Senentang utai ke nyadi tu, KGBS ngarapka mensia mayuh kelebih agi bala pengajar nitihka pemutus enggau atur deka dipejalai Perintah Sarawak enggau Opis Menteri Pelajar Malaysia (KPM) dikena mutarka pekara tu.

“Kebuah pia laban kitai andalka Perintah Sarawak enggau KPM nemu agi atur ke patut dipejalai.

“Kitai mega nerima sanding penemu ari KKM enggau Kaunsil Pengelikun Menua (MKN) kelebih agi lebuh haribulan sekula dibuka baru enda lama agi,” ku iya nerang, ditu kemari.