KUCHING: Hotel UCSI Kuching naka ulih nyendiaka servis pemadu manah ungkup bala pengusung nadai ngira peranak menua tu tauka menua luar.

Ku Menijar Kanan Jualan enggau Pekara Makit, Myla Avon David, servis bisi disediaka piak sida mega dijamin nangkup peminta bala pengusung serap umur.

Ambika chunto, Hotel UCSI bisi nyendiaka siti pakej dikumbai Semampai Sayau ungkup orang ti benung madu pengerindu sereta deka nanggam tali semaya enggau pangan diri.

Kebendar, pakej tu bepun dipejalai piak pengatur UCSI ari 1 Januari nyentuk 30 Disember taun tu.

Sida ti benung gauk bepangan bisi pilih bemacham bansa pemakai ungkup makai lemai sekalika ba Hatton tauka ba Poolside Pavilion.

“Bala ke datai lalu ngambi pakej tu ukai semina makai lemai enggau pangan aja tang ulih bayam pemanah rampa menua Sungai Sarawak.

“Sida ulih milih sekalika pulai hari tauka diau bemalam ba Superior Room tauka Suit Room lalu bisi disedia ai irup, makai pagi enggau pemakai Western ungkup dua iku.

“Bilik seduai mega deka diias manah, dilagu ngena bungai enggau utai ke tau ngasuh penyayau betambah,” ku Myla seraya tuchum manis.

Nya alai, anang ngelepaska peluang ngasai diau enggau ngasaika servis ti bisi disediaka ba UCSI Hotel tu.

Barang sapa ti deka meda servis ti disediaka ba UCSI Hotel tu tau ngelawa Facebook UCSI Hotel Kuching enggau website www.ucsihotels.com.

Barang sapa ti deka meli pakej diau bemalam enggau tanya bukai tau telefon ba lumur 082596610 tauka 082596612 tauka anjung email ngagai infokch@ucsihotels.com.

NARIT ATI… Pemanah rampa serumba silau ba Hotel UCSI Kuching ditu.