KUCHING: Sarawak ngerikod tiga kes baru positif Covid-19 ngujungka 583 kes dirikod naka seharitu.

Komiti Penyangga Penusah Ngenyit Nengeri (JPBN) madah, dua kes dirikod ba Pelilih Kuching enggau siti kes ba Samarahan.

“Kes ke-581 ngaul siku lelaki ukai peranak menua tu ti gawa nyadi Injinir Projek ba sebuah serikat menua di Kuching.

“Dua kes agi ngaul siku staf pengerai ari sepital peribit Kuching ditangkan siku lelaki peranak menua ti gawa ba serikat sama enggau kes ke-581,” ku penerang nya tadi.

Nambahka nya, ketetiga kes nya kes berampit laban nadai sejarah pejalai nemuai tauka pulai ari menua luar.

Tiga kes nya mega agi dipansik enggau nyidi kaul kes ari sida sebilik enggau endur sida gawa.