BINTULU: Kaban Kunsil Negeri (Adun) Samalaju Majang Renggi begulai enggau raban Gerempung Pengelikun Rama (Perkeso) Bintulu, nyuaka bayar pinchin enggau perengka penyuman ngagai tiga iku orang ba Sungai Plan, pagi kemari.

Ba Penemuai Nyuaka Perengka Penyuman ari Perkeso nya, Majang mega bisi nyuaka pampas ngagai Tuah Anak Jabor.

Tuah nerima pinchin Ilat bepun ari Mei tu tadi ketegal ditepan penyakit riman enggau penyampau terima ninting bulan iya nya RM942.50 lalu bayar keterubah deka diterima Tuah sepenyampau RM1,064.10.

Sepengudah nyua ke bayar pinchin nya, Majang enggau raban PERKESO ngagai Payong Anak Janting nyauka bayar pinchin sepenyampau RM2000 ari Pampas Pemati (FPM) ari Perkeso ketegal laki iya Adit Anak Langun nadai kena bulan April tu tadi.

Nangkan ke nya, Majang enggau raban tu mega ngagai rumah Karin Anak Sumbang ke mega bisi nerima bantu ari pinchin ilat laban enda ulih gawa agi ketegal udah kena penyakit stroke.

Ba penemuai nya Majang bisi nyuaka bantu pampers ngagai bini Karin lalu bantu nya sigi ditanggung sida Perkeso.

Berindik ari bantu nya, Majang bisi endar pengarap ati semua orang pengereja pengawa enggau sida ke gawa kediri empu ulih ngerejister diri lalu ulih ngaga potong gaji ngagai Perkeso.

TULUNG ARI PERKESO….Siku balu ke nerima pampas ari Perkeso disuaka Majang (tiga kanan) seraya dikemata bala bukai, kemari.