LIMBANG: Perintah diatu benung merambu nirika mayuh agi tiang pemanchar arus penyambung ditu.

Menteri Muda Betanam Betupi, Tanah Adat enggau Pemansang Kandang Menua Sarawak Datuk Dr Abdul Rahman Ismail madah, tu dikena ngemesaika agi bungkur arus penyambung seriris enggau pemansang ekonomi digital.

Ku iya, Perintah Sarawak diatu chakah bejalaika pengawa ngaga tiang pemachar selampur Sarawak nyengkaum ba sitak Parlimen Limbang ti mungkur sitak Dun Bukit Kota enggau Dun Batu Danau.

“Sistem arus penyambung jeman diatu udah diengkah dibaruh perengkaguna pemun.

“Ba perambu, mayuh agi tiang pemanchar deka didiri laban sitak Pelilih Limbang endang besai lalu kitai napi penanggul ba arus penyambung,” ku iya.

Abdul Rahman mansutka jaku nya pengudah ngatur Pejalai Ngabas Taba Projek Tiang Pemanchar Kaunsil Komunikasyen Multimedia Malaysia (SKMM) di Kampung Tegarai apin lama ke udah.