SERIAN: Projek Jematan Kampung Seroban di Serian beungkus RM500,000 dipelaba tembu dalam timpuh tiga bulan.

Adun Bukit Semuja, John Ilus madah, projek nya nyengkaum projek nyeleti jalai ba genturung pendiau dia.

“Aku beterima kasih ngagai perintah Gempung Parti Sarawak (GPS) laban udah ngemendarka projek tu.

“Projek tu kebendar dikelala aku lebuh ngatur Program Bejalai Ngabas ngelawa genturung pendiau tu suba,” ku iya.

John mansutka jaku nya ba Program Bejadika Taba Projek Ngaga Jematan Kampung Seroban di Balai Kampung Seroban ditu, ensanus.

Ku iya, projek berengkah dipejalai 10 Julai nyentuk 9 Oktober 2020 dikearap pejalai peranak Kampung Seroban lantang agi ngelawa jalai besai.