LIMBANG: Projek Transfomasyen Menua Pesisir (RTP) Balai Raya Mayuh Guna Kampung Penganan diatu udah tembu 40 peratus.

Kaban Kunsil Nengeri (Adun) Batu Danau Paulus Palu Gumbang madah, projek nya laun tembu ketegal ditangguh sekumbang timpuh Atur Tagang Pejalai (PKP) sebedau tu.

Ku Paulus, projek nya disambung baru enggau diatu benung dipejalai.

“Projek nya udah tembu 40 peratus lalu piak kunteriktor diatu benung bejalaika pengawa nentuka projek tu ulih ditembu nitihka perambu.

“Haribulan kepenudi projek nya udah dilanjar baru pengudah PKP pengelama tiga bulan ngujungka projek tu ditangguh dulu.

Paulus mansutka jaku nya lebuh ngabas Projek RTP Balai Raya Mayuh Guna Kampung Penganan, apin lama ke udah.

Ku Paulus, iya mega puas ati enggau pejalai projek nya diatu.

Udah nya, Paulus disempulang bala bukai mega udah ngabas taba projek Balai Raya Mayuh Guna ba Kampung Semabat.

Sama datai Sapit Ketuai PBB Batu Danau Pemanca Jun Sillah, Ketuai Wanita PBB N80 Batu Danau Roszuina Labet, pengari Kaunsil Pelilih Limbang Maria Radu enggau Johny Sawing.