KUCHING: Sarawak Volunteers enggau kerejasama Komiti Penyangga Penusah Ngenyit Nengeri (JPBN) nyendiaka inisiatif bantu perengka pengangkut ungkup nembiak ti nampung pelajar.

Penerang ari Sekretariat Sarawak Volunteers madah, bantu nya ungkup bala nembiak ti deka rejister ngagai Palan Matrikulasi Opis Menteri Pelajar Malaysia (KPM) enggau Opis Menteri Palan Pelajar Tinggi (KPT) ba kolej sida di Semenanjung Malaysia enggau Wilayah Persekutuan Labuan.

Inisiatif nya dipejalai berindik ari Atur Standard Pengawa (SOP) ti netapka apai indai tauka orang pulai nganjung anak sida ari menua bukai enda tau enda kuarantin lebuh datai ba Sarawak.

“Inisiatif tu dibuka ngagai semua Anak sarawak ti deka rejister ngagai Kolej Matrikulasi dibaruh KPM enggau KPT di Semenanjung Malaysia enggau Wilayah Persekutuan Labuan.

“Tu tebuka semina ungkup nembiak ti deka rejister ngatika diri seraya tikit bilun dibeli enggau dibayar nembiak nya empu,” ku penerang nya.

Sarawak Volunteers mega bisi nyendiaka perengka pengangkut ari padang bilun ngagai hotel enggau kolej ba hari sida rejister.

Bala nembiak mega ulih rejister nengah website https://bit.ly/2X5iqUh lalu disadang tutup kena 1 Ogos pukul 12 tengahari.

Penerang silik tauka tanya bukai, tau telefon ngagai Sekretariat Sarawak Volunteers, Nazmi ba lumur 0135717130, Eja (0146983771) enggau Khatijah (0128477447).