KUALA LUMPUR: Menteri Besai Tan Sri Muhyiddin Yassin kemari madahka moratorium dilanjar tiga bulan agi berindik ari empas pandemik Covid-19 seraya ke bukai, Perintah deka bejalaika chara ti diselinting.

“Sida ti lenyau kereja enggau bedau nerima kereja baru, entara raban ti deka diberi moratorium ungkup timpuh tiga bulan,” ku Muhyiddin ba aum media ditu tadi.

Muhyiddin madah, pengudah tiga bulan, timpuh moratorium ulih dilanjar piak bank bepanggai ba penanggul diasaika siku-siku orang.

“Pemutus tu digaga pengudah berandau enggau Opis Menteri Wang enggau Gabenor Bank Negara Malaysia,” ku iya lebuh mantaika pekara bekaul ngelanjar moratorium enggau bantu bukai.- BERNAMA.