KUCHING: Pengawa muka sekula ba 164 buah sekula sekondari enggau sekula primari ba pelilih Kuching, Padawan enggau Samarahan dilanjar ngagai 17 Ogos.

Nitihka penerang Komiti Penyangga Penusah Ngenyit Nengeri (JPBN), pemutus tu nitihka sanding penemu ari Opis Pengerai Nengeri Sarawak, Kaunsil Pengelikun Menua (MKN) Sarawak enggau semua piak setuju nyengkaum pengari Opis Menteri Pelajar Malaysia (Opis Pelajar Nengeri Sarawak).

“Kelas Peralihan, Pom Satu ngagai Pom Empat, Pom Enam baruh enggau sekula primari bedau dikemendar nurun sekula ba 25 buah sekula di Pelilih Padawan enggau 24 buah sekula di Pelilih Samarahan.

“Nya alai, naka diatu bisi 213 buah sekula ba Pelilih Kuching, Padawan enggau Samarahan bedau dikemendar dibuka,” ku penerang nya.

Bala nembiak prasekula, Pom Lima enggau Pom Enam Atas, JPBN madahka sida besekula baka selama.