Milih tuai raban bansa nadai kaul enggau pengari rayat

MIRI: Pengawa milih tuai raban bansa nya nitihka sukung majoriti ke dipilih peranak lalu nadai kaul enggau pengari rayat, ku Datuk Dr Penguang Manggil.

Kaban Kunsil Nengeri (Adun) Marudi nya madah, iya nadai kala ngaul pengawa milih ketuai raban bansa sekalika tuai rumah, ketuai genturung pendiau tauka kapitan kelebih agi ngemaduka ketuai raban bansa mangku pengawa nya.

“Aku nyerahka pengawa milih ketuai raban bansa tu nitihka majoriti peranak ba genturung pendiau nya tauka undi demokrasyen.

“Udah nya, pekara tu deka dilempai ngagai Opis Pelilih ngambi ngatur pengawa nyiri nya,” ku iya nengah media rama kemari lebuh ngatur randau enggau peranak Rumah Jemat Apa, Sungai Sebindang ditu.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak