Projek nangkir atap Rumah Ellai dikemendar

SARATOK: Sepenyampau RM25,000 udah diagih ngagai Rumah Ellai, Nanga Entaih di Ulu Krian ungkup projek nangkir atap ba laman rumah panjai sida.

Sapit Menteri Pengeluar Kuasa enggau Pengeraja Asal ke mega Kaban Parlimen Saratok, Ali Biju, madah, agih belanja nya diberi nengah Komiti Pemansang enggau Pengelikun Genturung Pendiau (JKKK) Rumah Ellai.

Ku iya, Biro Indu rumah panjai nya mega bela nerima belanja penyampau RM5,000 ungkup bejalaika sebarang pengawa pulaika pemaik sida serumah.

“Kebendar, tubah projek laun tembu ari timpuh pengudah tejanggal ketegal Perintah Besai berubah ditambah enggau pengerekai igi penyakit Covid-19.

“Tu nyengkaum projek nangkir atap ba laman rumah panjai kita taja agih belanja endang udah bisi disedia sebedau tu,” terang iya.

Ali mansutka jaku nya nyerumba Program Nemuai Seraya Nyuaka Bantu Kereban Pengerara Api ba Rumah Ellai, Nanga Entaih di Ulu Krian, ngalihari kemari.

Iya madah, diatu semua projek ti tejanggal deka ditampung baru lalu piak kunteriktor ti dipadu gawa endang dipinta ngerumban pengawa sida.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak