Saup kami nyeleti jelatung repuk

KANOWIT: Rayat ari 60 buah rumah panjai ari Tuah, Nanga Pedai, Bawan, Bejait, Tada, Mapai enggau Kabah minta kasih piak bekaul mutarka penusah sida.

Siku peranak menua nya, Andrewson Bugis, ngarapka piak bekaul nyaup sida sekalika ngaga baru tauka nyeleti jelatung ba taba lama SMK Sedaya ditu enggau lengkas.

Ku iya, jelatung nya nyadi palan penyangkai peranak diau ba genturung pendiau dia baka sida ke deka undur ke Pasar Kanowit.

“Minta piak bekaul tauka pengari rayat kami ulih berundingka chara pemadu manah mutarka penanggul ditapi kami ditu.

“Kami irauka pengelikun mensia mayuh ti betengahka jelatung tu ninting hari laban geladak jelatung udah mayuh repuk lalu enda likun ditengah,” ku iya lebuh dirandau Suara Sarawak.

Ungkup penerang, jelatung tu udah lebih 40 taun lalu peranak dia suah mantaika sebana ngambika penusah sida diberi perati tang nadai nerima sebarang timbal nyentuk sehari tu.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak