Siku pemesai polis ditangkap bisi kaul mai Pati

KUCHING: Siku pemesai unit khas Polis DiRaja Malaysia (PDRM) Sarawak ditangkap laban dipelaba bisi kaul mai dua iku Kampar nadai pemendar (Pati).

Kepala Polis Sarawak Datuk Aidi Ismail madah, pemesai nya ditan Opis Imigresyen ba Serian, dua minggun nyin kemari.

“Pemesai nya agi ditan piak imigresyen ungkup pansik silik enggau kami deka neritka atur tu,” ku iya.

Aidi mansutka jaku nya lebuh dirandau pemberita pengudah bejadi Pengawa Ngelekatka Pangkat Pemesai Kanan Polis Kontinjen Sarawak enggau Pengawa Nyuaka Setipikit Anugerah Nyulut (APC) Tahun 2019 ngagai Ketuai Opis enggau Ketuai Polis Pelilih sereta Anugerah Pengurusan Perumahan Terbaik PDRM 2019 ba Indu Opis Polis Kontinjen (IPK) Sarawak, ditu tadi.

Nya alai, iya udah ngasuh bala ketuai IPD matau kelebih agi ba garis entara menua enggau Kalimantan, Indonesia nentuka pemesai enggau kaban polis iya seruran dipatau.

Kebuah pia ku Aidi, pekara tu nentuka pemesai PDRM nadai kaul enggau kes mai Pati tama kitu.

“Kami deka nentuka pemesai enggau kaban polis dipatau, engka sida bisi kaul enggau Pati tu,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak