SK Ng Nirok ampuh bah

KANOWIT: Sekula Primari (SK) Nanga Nirok, Ngemah dituntung penusah bah enam kaki penalam, ditu pagi tadi.

Penerang ari Palan Operasyen (PGO) Bomba Sarawak madah, penusah nyadi ketegal ujan bangat kenyau ari demalam.

“Nya alai, kami udah nganjung raban kami di Balai Bomba enggau Penyah Penusah (BBP) Kanowit matau penusah ke nuntung SK Nanga Nirok.

“Mensia mayuh mega dilalau seruran bejimat laban tikas ai majak niki sereta deras.

“Tambah mega Pelilih Kanowit enggau Sibu diatu agi ujan,” ku penerang nya, ditu tadi.

Ku iya, bisi 64 iku diau ba sekula iya nya 46 nembiak, 11 pengajar enggau tujuh staf pengatur pengawa (AKP).

“Sida ti tasah bah nadai dipindah ngagai endur bukai naka pukul 11.30 pagi.”


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak