KUCHING: Hari Orang Indu Renggat Nengeri Sarawak taun tu berambaika jaku Indu Sarawak ba Jeman Digital.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah madah, pengerami taun tu diintu ngena chara baru nipakka rambai jaku dipilih.

Ku iya, rambai jaku tu dipilih laban kitai deka orang indu di menua tu nyikap diri mansang ngagai jeman Industrial Relation 4.0 (IR 4.0).

“Kitai deka ngaga live stream ngagai 40 buah pelilih menua selampur Sarawak maya nya ila.

“Chara tu nipakka rambai jaku ngambika sida belajar bekenaka perengka enggau aplikasyen digital,” ku iya.

Fatimah bejaku munyi nya ba aum pemberita Komiti Besai Pengerami Hari Orang Indu Renggat Nengeri Sarawak ba Wisma Orang Indu ditu tadi.