BETONG: Rebak biak diangkat nyadi ketuai dudi hari mesti pintar ngerebut peluang enggau berani napi penguji nentuka juluk Sarawak maju ulih dijapai.

Ketuai Nembiak Gempung Parti Sarawak (GPS) Gerald Rentap Jabu madah, polisi Perintah Sarawak nadai ngelaungka pengelantang raban nembiak.

“Nyadi ketuai raban nembiak, aku nyukung penuh kuing pemansang strategik Sarawak bepelasarka ekonomi digital dikena ngangkatka menua tu nyadi menua maju datai ba taun 2030.

“Tu peluang pemadu manah lalu ketuai rebak dudi hari mesti pintar ngerebut iya,” ku iya lebuh dirandau Suara Sarawak.

Rentap madah, sida mega mesti sedia enggau berani napi sebarang penguji ti datai.