KUCHING: Rayat Sarawak mesti begempung enggau begulai manah dibaruh Gempung Parti Sarawak (GPS) ngambi terus ngemujurka mayuh agi pemansang ba menua tu.

Adun Batu Kitang, Lo Khere Chiang madah, dibaruh GPS begulai enggau rayat Sarawak sama negika hak enggau autonomi ungkup Sarawak.

“Petronas udah setuju mayar lima peratus chukai jual nengeri (SST) ngagai Perintah Sarawak lalu arapka bulih baru untung ari Petronas.

“Aku mega ngarapka Sarawak bisi autonomi ba pekara pelajar enggau pengerai ti besai guna ungkup pemansang Sarawak,” ku iya lebuh ngabas Palan Pedaja Kampung Haji Baki seharitu.

Nambahka nya, Khere Chiang enggaika rayat Sarawak pambar ketegal peranak ditu empu.
“Bisi parti ngumbai diri parti Sarawak tang enti enda ulih beserakup enti parti sarawak tu pambar kelebih agi mai pengerugi ngagai rayat Sarawak.

“Aku dekaka rayat sarawak begulai manah laban kitai bisi siku ketuai ti tuai runding lalu nya mih pekara pemadu beguna,” ku iya madah nyemetak.