KUCHING: Bepun 15 Ogos sebarang pengawa mindah entara zon dikemendar perintah.

Chairman Komiti Penyaga Penusah Ngenyit Nengeri (JPBN) Datuk Amar Douglas Uggah Embas madahka mensia mayuh ti deka mindah entara zon maya nya ila enda ibuh minta surat pemendar (permit) ari balai polis agi baka ti digaga sebedau tu.

“Aum komiti seharitu ngaga pemutus pengawa mindah entara zon dikemendar lalu mensia mayuh enda ibuh minta surat pemendar (permit) ari balai polis agi,” ku iya ba aum pemberita lemai tu tadi.