KUCHING: Semua sekula primari enggau sekondari ba Pelilih Kuching, Samarahan enggau Padawan dibuka baru kena 17 Ogos tu.

Sapit Kepala Menteri Datuk Amar Douglas Uggah Embas madahka haribulan sekula nya dibuka baru ba aum pemberita Covid-19 ba begunan Dun Lama, ditu tadi.

“Kami ngaga pemutus tu pengudah berandau enggau beratika kes dirikod ba Pelilih Kuching, Samarahan, Lundu, Bau enggau Serian,” terang iya.

Kena 14 Julai tu tadi, Komiti Penyangga Penusah Ngenyit Nengeri 9JPBN) udah ngerintai 138 buah sekula sekondari enggau primari enda dikemendar dibuka berindik ari kes Covid-19 ba Kuching nambah lebuh nya.

Sebedau tu, semua sekula ditaga deka dibuka kena 3 Ogos tu tadi ba Pelilih Kuching, Padawan enggau Samarahan udah ditangguh.