MIRI: Empat lelaki peranak menua ditan laban enchuri buah mangga ba sebuah rumah di Krokop 6, pagi tadi.

Nitihka penerang, empat saspek beumur 30-an nya ditangkap polis penginau urung pukul 9 pagi.

Polis nangkap sida empat pengudah nerima kangau ari peranak dia pasal ulah enda menuku sida nya.

Peranak dia tepedaka empat lelaki ngenchuri mangga sebedau telefon ngagai piak bekuasa ungkup pansik bukai.

Pengudah polis datai dia, sida tepedaka saspek badu deka enchuri buah nyiur semak nya.

Lebuh ditangkap, piak polis tetemuka seguni buah mangga dipelaba lebih 20 igi.

Nitih ku penerang, buah mangga nya deka dijual sida enggau rega RM2.50 sigi.

Semua saspek udah dibai ngagai Balai Polis Besai Miri ungkup atur bukai.