SERIAN: Semua sitak Dun majoriti Bidayuh mesti nyaup Gempung Parti Sarawak(GPS) menang maya Pengawa Bepilih Nengeri Ke-12 (PRN12) ke deka datai.

Nya alai, Sapit Presiden Parti Pesaka Bumiputera Bersatu (PBB), Datuk Seri Michael Manyin Jawong, komuniti Bidayuh mesti ngundi sebarang chalun ngarika GPS ba sitak nya.

“Anang milih chalun tang kita patut beratika lambang GPS laban parti nya aja ulih mantu kita.

“Nya kebuah, kitai mesti nentuka semua lapan penuduk Bidayuh menang enggau mayuh undi ungkup GPS,” terang Manyin.

Manyin mansutka jaku nya lebuh dirandau pemberita pengudah Pengawa Nyuaka Asil Projek Betanam Betupi ti dipenyadi Sapit Kepala Menteri Datuk Amar Douglas Uggah Embas di Kampung Pichin, ditu tadi.

Ku iya, Ketuai Bidayuh nya minta komuniti Bidayuh mesti beserakup laban diatu sida udah pambar ketegal bebida penemu politik.