20 buah kerita diasuh nikal pulai ketegal nadai permit

KUCHING: Bisi 20 buah kerita diasuh nikal pulai laban puntan nunjukka surat pemendar (permit) ari polis maya deka ngelimpas entara zon ba Palan Ngempang Jalai Alun (SJR), kemari.

Mandal Pesuruhjaya Polis Sarawak, Datuk Dev Kumar M.M Sree lebuh ditanya Suara Sarawak madahka kesemua kerita ti ditan tu digaga ba dua operasyen SJR ti dipejalai di Simunjan enggau Sri Aman.

Kenu ku iya, operasyen keterubah SJR ba kekedua palan nunjukka bisi 721 buah kerita nguji deka ngelimpas pelilih entara zon 1 enggau zon 2.

“SJR di Simunjan ngerikodka semilan kerita lalu di Sri Aman bisi 11 buah kerita udah diasuh nikal pulai ketegal sida enda mujur nunjukka surat pemendar ngelimpas zon.

“Bagi kerita ti ngembuan surat pemendar enggau dikemendarka ngelimpas SJR tu bisi 189 buah di Simunjan enggau 512 buah di Sri Aman,” ku iya nengah sebengkah penerang sehari tu.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak