KUALA LUMPUR: Penalam reti semangat ‘Maal Hijrah’ patut diperati enggau lenak sereta nyadika lalau ba singkang kitai.

Sapit Menteri Pengeluar Kuasa enggau Pengeraja Asal, Ali Biju minta semua bala ti negika pengelurus (ngeringka penemu) Keadilan bela nyingkang begulai ninggalka ketuai ti amu enggau penemu politik udah jauh limpang ari tuju asal.

Ku iya, leka jaku ‘hijrah’ nya empu mai reti muai tauka ninggalka pengawa enggau ulah enda manah ngambika pengidup kitai bisi tuju ke meruan.

“Kami tu ukai bula (ngayah) ke rayat, tang kitai mindah ungkup pemaik rayat enggau menua dikesayau tu.

“Kami, pengari ari Sarawak enggau Sabah ngaga blok politik digelar G10 betuaika Dato’ Seri Mohamed Azmin Ali enggau Zuraida Kamaruddin laban saum penemu.

“Nya kebuah kami sedia nyemilik Bersatu nyadi bilik besai politik pupu bansa, ti ngarika sada semua bansa Malaysia,” ku iya lebuh dirandau Suara Sarawak.

Ali mansutka jaku nya lebuh bejaku ba mua mayuh beserimbai enggau Kongres Negara ba Palan Mandang enggau Dagang Entarabansa Malaysia (MITEC) ditu, malam tadi.
Berita penuh dalam surat kabar Suara Sarawak