KUCHING: Tujuh iku orang ti diau ba sebuah rumah begau pengudah perabung rumah sida di Kampung Ajibah Abol tekabak dipangka kabut, malam tadi.

Pengari Palan Operasyen Opis Bomba enggau Penyah Penusah Malaysia (JBPM) madahka, penusah hujan ribut nya nyadi urung 5.42 lemai ti ngujungka perabung atas rumah sida jai.

Ku iya, dua buah rumah bukai enda jauh ari palan nya mega bisi jai mimit laban kena tinggang perabung rumah ti terebai nya.

“Bisi semilan iku raban ari Balai Bomba (BBP) Padungan udah dikerahka bejalaika operasyen mantu enggau nyelamatka sida ba palan nya.

“Datai ba palan penusah, komander operasyen ngeripotka tiga buah rumah jai laban perabung rumah ti terebai udah ninggang dua agi rumah bukai ke semak.

“Taja pia, nadai kes bebadi nyawa diripotka nyadi,” ku iya dalam siti penerang kemari.

Tandu iya, operasyen mindahka perabung ti terebai nya ngagai palan ti selamat mujur diatur jam 8.35 malam.