KUCHING: Semangat sayauka menua tauka patriotik mesti diterebak ba semua raban bansa kelebih agi bala nembiak.

Exco Gerempung Nembiak Bansa Sarawak (Saberkas) Abg Abd Aziz Datuk Abg Draup madahka semua rayat patut bisi nanam ulah bebasa sereta ngenang jasa bujang berani ti udah berambun nyawa ngetanka menua.

“Nya alai Saberkas Pampang Stakan ngambi inisiatif ngelekatka urung 350 iti tambai Sarawak enggau Jalur Gemilang ngagai kerita ti mansa.

“Inisiatif tu asil ari bantu beberapa iku orang kelimpah belanja gerempung kami empu,” ku iya lebuh ditanya pemberita ba Program Ngelekatka Tambai Sarawak enggau Malaysia di Stakan seharitu.