MIRI: Siku indu semina bepesap mata pengudah kelalu andal menang perais tiket benasip ti ngujungka iya rugi lebih RM9,000.

Nitihka penerang, siku indu beumur 50-an ari Pujut 8C nya nerima pesan nengah Whatsapp ari siku orang ti enda dikelala madahka iya udah menang perais kerita urung pukul 12.41 tengahari kena 1 June tu tadi.

Udah nya, iya dipinta mindahka duit ngagai akaun diberi saspek ungkup pengawa nganjung perais nya.

Ku penerang, indu nya udah setuju ngaga transaksyen nya.

Bisi tujuh transaksyen penyampau RM9,050 dipejalai bepun 29 June nyentuk transaksyen kepenudi kena 4 Ogos tu tadi.

Pengudah transaksyen kepenudi, saspek ngaga pemutus nulak peminta nya lalu ngasuh mulaika baru duit iya.

Taja pia, saspek ngasuh indu nya mayar enti sema iya deka nginsil perais nya.

Pengudah nemu diri kena tipu, indu nya terus ngaga ripot polis ba Balai Polis Lutong.