MIRI: Kepala Menteri Datuk Patinggi Abang Johari Tun Openg deka mantu semilan rumah panjai enggau empat genturung pendiau ba Suai ngena agih belanja penyampau RM1.3 juta.

Ku Abang Johari, bantu nya dikena ngelempung tating penusah mensia mayuh ba kandang menua nya kelebih agi orang bumai ti ketegal pengerekai Covid-19.

“Perintah Sarawak setuju meri bantu RM1.3 juta ngagai semilan buah rumah panjai enggau empat genturung pendiau ditu nengah Bantu Khas Sarawakku Sayau (BKSS) laban penatai pemisi peranak majak kurang ketegal Covid-19.

“Nya alai, genap rumah panjai enggau genturung pendiau bela deka nerima RM100,000,” ku iya.

Abang Johari mansutka jaku nya lebuh ngatur pejalai ngabas taba projek Jalai Ulu Suai, Niah, Subis, ditu pagi tadi.