KUCHING: Kluster Mambong ti ngerekai bepun bulan Julai nyin tadi udah punas pengudah 28 hari nadai ngerikod kes baru.

Komiti Penyangga Penusah Nyengit Nengeri (JPBN) madah, Kluster tu di temu kena 15 Julai ti ngaul tujuh kes Covid-19.

“Kluster Mambong ngaul siti kompeni menua tu ti bejalaika operasyen di Kuching lalu kluster tu ditemu pengudah kes indeks iya nya kes ke–581 beperesa ba sebuah sepital peribit kena 14 Julai laban pedis rekung.

“Pemutus peresa makmal ba hari ke sama madahka iya ditemu positif Covid-19. Berindik ari nya, pengawa nyidi kaul kes berengkah dipejalai,” ku iya madah ba penerang berita tadi.