BINTULU: Direktor Opis Rampa Menua Sarawak diansak mutarka isu minyak naya ari sebuah kapal ba Sungai Igan apin lama ke udah.

Ahli Parlimen Bintulu Datuk Sri Tiong King Sing madah, opis bekaul patut ngerumban pengawa mutarka isu tu.

Ku iya, ulah direktor opis nya baka enda ibuhka penanggul ke nyadi ngasuh peranak dia nyima sereta asa laban tebal agi sida bepanggai ba ai sungai dikena beridup.

“Piak bekaul patut nurun gawa lalu mansik utai ke nyadi enggau lengkas ngambika kitai nemu ni pemayuh minyak naya ti udah ngamahka sungai nya.

“Nya orang gawa perintah, kita patut bisi tanggungpengawa ngagai rayat, ukai semina bepiak ngagai kilang ti ngasuh minyak naya.

“Nadai ngira ni bagi undang-undang enggau atur ba renggat perintah nengeri tauka ejensi bekuasa menua tu, isu tu patut diputar enggau lengkas.

“Enti enda, tau ngasuh sungai kitai majak kamah lalu ngeruga pengerai peranak diau besemak,” ku iya madah nyemetak.

Ungkup penerang, isu minyak naya nyadi kena 22 Ogos lalu majak mayuh sereta anyut nyentuk semilan kilometer (km) sepanjai Sungai Igan.