Babas angus di South Lake, Permyjaya mujur dirara

MIRI: Seraban tim bomba dianjung ngagai South Lake, Permyjaya ditu ngerara api ti nganguska babas.

Ketuai Opis Bomba enggau Penyah Penusah Miri, Law Poh Kiong madah piak sida nerima kangau pasal penusah nya urung pukul 11.47 pagi.

Kenu ku iya, lapan bomba ari Balai Bomba enggau Penyah Penusah (BBP) Lopeng terus ngelawa palan penusah nyadi nitih penerang ke diberi.

“Pemesai kandang babas ke angus kira tiga ekar,” ku iya madah nengah sebengkah penerang kemari.

Tandu iya, raban pengerara api ngena ai ari kereban pengangkut sida empu.

“Api mujur dirara kira semak dua jam,” ku Poh Kiong.

NGERARA API…Siku bomba benung ngerara api ti nganguska babas ba South Lake, Permyjaya kemari.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak