Siku kaban media suah mejah polisi ditangkap

HONG KONG: Siku kaban media, Jimmy Lai ti mayuh mejah polisi Beijing ditangkap sehari tu dibaruh undang-undang pengelikun nasional baru laban didawa bisi kaul enggau piak luar.

“Sida (piak bekuasa) nangkap iya pukul 7 pagi lalu bala luyar kami benung ba rantau jalai ngagai balai polis,” ku siku pemantu Lai, Mark Simon.

Ku iya, sekeda staf media bukai ke sama ari media Hong Kong nya mega ditangkap.

Siku pemesai polis ti enggai ditemu nama madah, Jimmy, 72 taun ditangkap laban didawa bisi kaul enggau piak luar lalu nya siti penyalah di baruh undang-undang pengelikun nasional baru enggau nipu.

Kaban media nya ngembuan surat kabar Apple Daily enggau majalah Next ti nyukung demokrasyen enggau suah mejah polisi Beijing.

Nangkan nya, Simon nengah Twitter madah, sekeda pemesai naka ulih ngulihka waran nyerungkai rumah Jimmy enggau rumah anak lelaki iya.

Tebal agi, peranak Hong Kong ngasaika iya tu siku orang ti berani enggau siku ketuai ti sanggup mejah polisi Beijing.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak