SARATOK: Kaban Parlimen Saratok, Ali Biju semampai beratika peminta belanja ti bisi diterima lalu naka ulih nangkup peminta nya.

Sapit Menteri Pengeluar Kuasa enggau Pengeraja Asal nya madah, pekara tu beguna amat nentuka rayat enda lama nganti lalu pengawa ulih diadu nitihka langgur enti sema belanja udah bisi diagih.

Berindik ari nya, Ali diarika bala iya ari Palan Servis Komuniti Sitak Parlimen Saratok mupuk ngatur pejalai ngabas enggau nyuaka chek ngagai bala penerima.

Ali madah, agih belanja nya datai ari Projek Mit Pemansang Menua Pesisir (MRP) enggau tuju ngerumban pemansang infrastruktur enggau ekonomi rama peranak dipegai iya.

“Aku nganjung pengari bejalaika pengawa ngelamatu ukai ketegal nyau enda rindu ngaul rayat tang kebendar agi kiruh mutarka pengawa ba opis di Kuala Lumpur.

“Tambah mega diatu benung Aum Parlimen kelimpah ari kiruh ngatur pengawa bukai ti bekaul enggau opis menteri aku.

“Ketegal siruka rayat mih kebuah aku nganjung pengari nyuaka chek nya awakka bantu jampat diterima rayat.

“Nyema nganti aku empu nyua, nyangka enda semaya laban ti kelalu mayuh pengawa diatur,” ku iya lebuh dirandau Suara Sarawak.

Ku Ali, taja enda datai batang tubuh, tang iya ngarapka rayat meretika pangku pengawa enggau tanggungpengawa dipegai iya diatu.

Berita penuh ba Ruai 8 pagila…