KUCHING: Pengawa ngaga Buding Komuniti DBNA nunjukka kelai bansa Bidayuh ngembuan penyerakup enggau pengeransing ngemansangka bansa diri.

Buding Komuniti tu di baruh Gerempung Bansa Dayak Bidayuh (DBNA) lalu Kepala Menteri Datuk Amar Abang Johari Tun Openg bejalaika pengawa nyuaka geran ungkup pengawa nirika begunana baru tu ba DBNA ditu, kemari
Perintah Nengeri mega meri belanja agih penyampau RM16 juta ngagai DBNA kena ngemanahka perengkaguna Comunity Hostel.

“Urung RM16 juta diagihka perintah dikena nangkir buding komuniti tu jemah,”ku iya.

Pengawa nirika buding komuniti siti pengawa manah laban ulih meri pemaik ngagai komuniti laban ulih mayuh macham program digaga.

“Pengawa tu deka meri kelai manah ngagai komuniti kelimpah ari sukut pelajar, ekonomi, sosial enggau ke bukai.

“Buding Komuniti tu chukup manah laban nyendiaka mayuh perengkaguna dalam siti komplek aja kelimpah ulih ngatur bemacham program.

“Tu nunjukka bansa Bidayuh bisi penyerakup enggau pangan diri sereta bebendar deka ngemansangka bansa.

“Pengawa tu mega mandangka bansa Bidayuh ngembuan ketuai komuniti ti bisi pengelandik,”ku iya.

Pengawa ngaga Buding Komuniti tu nunjukka bansa Bidayuh ngembuan penemu ti tinggi sereta deka meda pemujur ba bansa diri.

UNGKUP BIDAYUH…Kepala Menteri Datuk Patinggi Abang Johari Tun Openg nyuaka replika chek agih belanja RM16 juta ungkup DBNA, kemari. -Gambar Ramidi Subari