KUCHING: Komiti Penyangga Penusah Ngenyit Nengeri (JPBN) seharitu netapka dua bengkah Atur Pengawa Standard (SOP) baru ungkup operasyen Pasar Malam enggau Industri Kreatif (Panggung Wayang). JPBN nyemetak madah nembiak beumur 12 taun ke baruh enda diasuh tama ngagai Pasar Malam.

Udah nya ba Panggung Wayang bala nembiak beumur 12 taun ke baru enggau orang tuai beumur 60 taun ke atas enda diasuh tama ngagai bilik panggung.

Pekara nya mesti dititih dikena nyeliahka pengerekai igi penyakit Covid-19 ngagai raban ti mudah kena rampit baka nembiak biak enggau orang tuai.