KUCHING: Komiti Penyangga Penusah Ngenyit Nengeri (JPBN) madahka nadai kes positif baru dirikodka ba Sarawak seharitu lalu ngujungka penyampau kes positif Covid-19 di menua tu mengkang 699 kes.

Kluster Alam di Bintulu agi ditukuka nyadi kluster ti agi ngerekai laban agi mengkang ngerikodka lapan kes.

Pia mega bisi lima kes baru suman sereta dikemendarka pansut ari sepital dirikod iya nya siti kes ari Sepital Besai Sarawak enggau empat kes ari Sepital Bintulu.

Tu ngujungka penyampau kes suman sereta dikemendarka pansut ari sepital nambah ngagai 668 iku.

Bisi 12 iku agi diperubat ba wad isolasyen sepital iya nya tujuh aku diperubat ba Sepital Bintulu, empat iku di Sepital Besai Sarawak enggau siku di Sepital Miri.

Penyampau pemati ketegal Covid-19 di Sarawak mega agi mengkang 19 iku.

Berebak enggauJPBN madahka bisi tujuh iku pesakit agi dipatau (PUI) dirikodka lalu nadai kes ti nganti pemutus ari makmal.