MUKAH: Tuai Pemegai Menua (TYT) Sarawak Tun Pehin Sri Abdul Taib Mahmud seharitu bisi ngelimpang pengawa diri bejalai nemuai seraya ngabas menua Mukah pengelama dua hari begulai enggau raban ketuai ditu.

Ba pengawa bejalai nya bisi ngulu sekeda berapa program ke diatur ungkup dua hari. Mua ke tengah hari tadi, Taib ngenatai kediri enggaupengawa randau sereta merarau begulai enggau raban ketuai di Sri Mukah.

Kelimpah nya, Taib ngabas Padang Bilun baru Mukah ngalihka lemai hari, lalu kena malam tu program ditaga iya nya pengawa makai sereta meri agih bantu ngagai raban seranta di Masjid Setia Raja Mukah

Pagila, pengawa bejalai iya diterus ngagai buding baru Sekula Kebangsaan (SK) Tellian, Mukah di Kampung Tellian Mukah lalu ditankan ngabas ke kampung Teh enggau Tabo ba sebelah tengahari.

Udah nya mua ke lemai, iya ngenatai kediri ngirup lemai begulai enggau komuniti Mukah di Balai Kampung Teh.

Berindik enggau nya, ba sebelah malam, Taib dijangka ngenatai kediri ngagai pengawa makai malam begulai enggau ketuai opis di Mukah enggau iya disadang pulai baru ke Kuching pagila (Hari Satu).

Sama datai ex-Kaban Parlimen Mukah Tan Sri Muhammad Leo Micheal Toyad, Adun Tellian Yussibnosh Balo, Residen Mukah Hamdiah Bakir enggau Pemesai Pelilih Mukah Shafrie Saili.