KANOWIT: Bala pekebun diperansang ngena teknologi moden dalam ngerembaika dagang sida.

Kaban Kunsil Nengeri (Adun) Ngemah, Alexander Vincent madah, sida mesti berani ngubah runding diri enggau nerima chara baru tu.

“Teknologi moden tu ngenataika mayuh pemanah dikena mansutka mayuh untung.

“Chara suba enda sebaka enggau ke diatu laban diatu, semua pengawa nya ngena teknologi magang lalu kitai mesti berubah,” ku Vincent.

Vincent mansutka jaku nya lebuh bejadika Program Betanam Betupi Ngaul Komuniti (AgriCOP) di Rumah Andrian Luang, Bukit Temedak, Sedaya, Hari Enam tu tadi.

Nambahka nya, Vincent madahka pengawa betanam betupi nya siti dagang.