KUCHING: Dagang sektor betanam betupi sida ke bempu tanah adat deka disungkak.

Menteri Betanam Betupi Moden, Tanah Adat enggau Pemansang Kandang Menua (Manred), Datuk Amar Douglas Uggah Embas madah, piak sida deka ngelala program baru ulih dipejalai ungkup tuju nya.

Ku iya, program baru udah dikelala ila deka dilangkar dulu sebedau dipejalai.

“Pengawa kami tu begunaka integriti laban ngaul servis ngagai mensia mayuh ungkup pemansang renggat baruh.

“Kami mega enda tau enda bisi juluk ti nyata lebuh bejalaika pengawa ngangkatka sektor tu dikena nyungkak ekonomi rayat kelebih agi pengempu tanah,” ku iya.

Uggah munyi nya lebuh meri licha ba Hari Intergriti Manred ba sebuah hotel tebilang ditu, tadi.