KUCHING: Ketuai Akademi Gerempung Dayak Iban Sarawak (Asadia) Mabong Unggang meri terima kasih ngagai Menteri Utiliti, Datuk Sri Dr.Stephen Rundi Utom laban udah ngemendarka nama iya dikena ba Pekit Beganu Online.

“Pemujur pekit tu mandangkangka sebengkah main asal ke datai ari menua Bintulu tu kebendar bisi penau dikerembai ngagai menua bukai di Sarawak.

“Nya alai, bepun ari diatu aram kitai bela besaup ngangkatka main asal beganu tu,” ku iya.

Berebak enggau nya, Mabong madah kebuah beganu tu manah dikerembai laban tipan enggau paka jaku dalam Ganu tau bendar ngangkat enggau pengelandik kitai bejaku Iban.

Udah tu ila, Asadia merambu deka ngatur sebengkah agi main asal kitai Dayak Iban ke dikumbai Pantun.

Gabriel Guret

Taja pia, pengawa tu begunaka sukung ari sukut belanja ari piak ti siruka main asal Iban seriris enggau rambai jaku

“Asadia iya nya Main Asal Kitai Tanggungpengawa Kitai.”

Nangkan nya, Presiden Sadia Sidi Munan madah penumbuh Sadia endang dikena ngangkatka main asal jaku Iban enggau main asal Iban.

Kelimpah ari nya, Sadia mega bisi nulung pengawa ngetanka tanah

“Kitai bela besampika Asadia terus tegap sereta ulih ngatur mayuh agi pekit main asal kitai Iban,” ku iya.

Ba pemutus Pekit Beganu ke diatur nengah chara online berengkah 1 Ogos nyentuk 12 September 2020 tu tadi dia gelar champian pekit Beganu Online berebutka Trofi YB Datuk Sri Dr.Stephen Rundi Utom tu dipenggi Gabriel Guret.

Gabriel mai pulai perais mata duit RM500, tropi enggau setipikit.

Penuduk lumur dua diempu Jantai Jambol lalu ditangkan Verzeliza Narina Malang ke alai seduai mai perais mata duit RM300 enggau RM150 sereta bela disempulang tropi enggau setipikit.

Ba kategori pemadu mayuh ‘Like’ dalam Facebook, gelar champian diempu penyereta ari Simanggang iya nya Riong Gimang.

Iya ngempu perais mata duit RM150, tropi enggau setipikit.

Penuduk lumur dua ba kategori tu iya nya Sarina Johnical Anthony ti ngungkupka perais RM100, ‘plague’ enggau setipikit.

Riong Gimang