MARUDI: Tim Menteri Kaunsil Kandang Menua enggau Pengawa Berumah, Datuk Penguang Manggil udah berengkah nganjung bantu pemakai ngagai sida ti tasah bah ba sitak iya.

Pia mega ku Penguang, tim iya udah nganjung bantu pemakai ngagai peranak ba Pelilih Marudi enggau Beluru.

Adun Marudi nya madahka tim iya naka ulih mantu peranak ti tasah bah kelebih agi nyuaka bantu pemakai enggau ai irup.

Seharitu, bantu pemakai nya dianjung ngagai Kampung Long Maro, Kampung Benawa, Sekula Primari (SK) Benawa enggau Kampung Lubok Kulat.

“Terima kasih ngagai semua staf Komiti Penyangga Penusah Ngenyit Pelilih Marudi laban udah besaup nganjung bantu pemakai tu.

Nambahka nya ku iya, staf PDRM enggau Rela mega udah nyaup pengawa nganjung bantu tu.

Naka diatu, tikas ai bah ba Pelilih Marudi enggau Beluru umbas iya penalam lalu nadai Palan Ngenduh Sementara (PPS) diguna.