LUBOK ANTU: Ikan Patin Perak ari Batang Ai diatu nyadi produk pemakai baru ari Sarawak enggau bisi pengulih rembus ngagai makit luar Sarawak.

Diatu, ikan patin nya udah berengkah dijual ngagai Kuala Lumpur lalu berega RM130 sekilogram.
Sapit Kepala Menteri Datuk Amar Douglas Uggah madah, Sarawak bisi pengulih besai rembus ngagai makit luar lebuh ngelakuka produk ikan Patin nya.

Terang iya, ikan Tilapia ari Batang Ai nerima peminta tinggi ari Singapore.

“Kepala Menteri Datuk Patinggi Abang Johari Tun Openg empu nyukung pengawa ngelakuka produk ikan Tilapia.

 

“Kitai ngembuan peluang besai bejalaika projek nupi ikan dalam sangkar ba tasik Bakun enggau Murum ke bedau kala dipejalai kitai,” tandu iya.

Uggah mansutka jaku nya lebuh bejadika Program Betanam Betupi Ngaul Komuniti (AgriCOP) ba Stadium Lumba enggau Main Lubok Antu, ditu ensana.