SIBU:  Perintah Gempung Parti Sarawak (GPS) tetap penemu meri sukung ngagai Menteri Besai laban enggai meda Malaysia charut.

Kepala Menteri Datuk Patinggi Abang Johari Tun Openg madah, Sarawak nya sebuah parti politik ti bempu pangku pengawa besai nentuka menua tu ulih tegap baru enggau dipegai Menteri Besai ti merintah menua enggau manah.

Ku iya, rayat Sarawak nyukung Perintah Besai nyadi sebuah perintah ti meretika juluk enggau pekara dikeingin rayat.

“Pemujur Malaysia nagang pengerekai Covid-19 nunjukka perintah dipegai Tan Sri Muhyidin ulih megai menua baka dikearap rayat,” ku iya.

Abang Johari mansutka jaku nya beserimbai enggau Pengerami Ngintu Hari Malaysia Renggat Nasional, ditu malam tadi.

Iya madahka Sarawak seruran nyukung inisiatif Perintah Besai bejalaika bemacham bantu nyengkaum Bantu Perihatin Nasional (BPN) dikena mantu raban ti tussah ketegal pengerekai Covid-19.

Ku iya, Malaysia ti ditumbuh ba taun 1963 enggau beumur 57 taun tu mayuh berubah ari sukut pekara politik ke udah nyadi diatu.

“Ba taun 1963, menua kitai Malaysia udah ditumbuh bepelasarka Sempekat Malaysia 1963 (MA63) ti disain Perintah British, Persekutuan Tanah Melayu enggau pengari ari Singapura, Borneo Utara (Sabah) enggau Sarawak.