KUCHING: Adun Batu Kitang, Lo Khere Chiang muji pemujur perintah nengeri ti betuaika Kepala Menteri Datuk Patinggi Abang Johari Tun Openg laban Petroliam Nasional Berhad (Petronas) enggau anak serikat iya udah mayar Chukai Jual enggau Servis (SST) ba produk petroleum ungkup taun nyin kemari ngagai Sarawak.

Ku Khere Chiang, iya mujur pemujur Kepala Menteri lebuh bebendar nagih hak ti udah lenyau lalu entara iya, SST tu.

“Meri besai terima kasih ngagai Abang Johari laban Petronas udah mayar chukai SST penyampau RM2.9 bilion ngagai Sarawak.

Nitihka penerang, Petronas udah nyuaka chek SST RM2.9 bilion nya ngagai Perintah Sarawak kena Hari Empat tu tadi.

Dulu ari nya, Abang Johari madahka chukai SST ti dibayar Petronas enggau anak serikat nya asil randau entara serikat nya, Perintah Besai enggau Perintah Sarawak.

“Petronas enggau anak serikat iya udah mayar chukai SST penyampau RM 2,956,671,407.36.

“Chukai SST taun tu deka dibayar bepelasarka rega enggau penyampau produk petroleum ti dijual,” terang Khere Chiang.