KUCHING: Kedai Ngaga Pantang dikemendarka beroperasyen bepun 21 September tang patut nitihka Atur Pengawa Standard (SOP) ti disediaka Opis Menteri Kaunsil Kandang Menua enggau Pengawa Berumah.

Pemutus nya dikenuku Komiti Penyangga Penusah Ngenyit Nengeri (JPBN) dalam siti penerang media pengudah aum sida kemari.

Kelimpah ari nya, JPBN mega madahka Sarawak kemari nadai ngerikodka kes positif baru Covid-19 lalu ngujungka penyampau kes positif di menua tu mengkang 701 kes.

Tandu JPBN, Kluster Alam di Bintulu diatu mengkang lapan kes ke alai semua kes dalam kluster tu udah suman sereta dikemendarka pansut ari sepital.