KANOWIT: Komiti Pemansang enggau Pengelikun Genturung Pendiau (JKKK) ba Kanowit enda tau enda ngetanka penyerakup sereta begulai manah enggau pangan diri.

Adun Machan, Allan Siden Gramong madah, penyerakup tu nentuka JKKK ulih bejalaika pangku pengawa enggau manah.

“Kaul ke manah dalam JKKK nentuka genap kaban komiti tu ulih gawa enggau manah kelimpah meri pemaik ngagai genap peranak ba rumah panjai.

“Pia mega, bantu ti disua ngelama tu ngagai JKKK ulih dikena nitihka pematut,” ku Allan.

Allan mansutka jaku nya rambau Program Randau Begulai enggau Komuniti Kanowit di Rumah Gerusin, Nanga Poi Kanowit, ditu kemari.