KUCHING: Sapit Kepala Menteri Sarawak, Datuk Amar Douglas Uggah Embas madah mayuh pekara enda disadang nyadi ba politik.

Uggah madah, Datuk Seri Anwar Ibrahim ti mega Presiden Parti Keadilan Rakyat (PKR) ngaku udah bulih sokong penuh ari kaban parlimen.

“Tu siti pemansang baru ba politik di Malaysia tu, nadai sapa nyadang nama utai ti deka nyadi.

“Berindik ari utai enda disadangnya, nyadi kitai patut nyikap diri lebuh napi pekara nya,” ku iya.

Uggah madah munyi nya lebuh dirandau Suara Sarawak di opis iya ba Wisma Bapa Malaysia, kemari.

Nangkannya, Uggah mega nandu, pekara nya engka bisi bekaul enggau Pengawa Bepilih Nengeri (PRN) Sabah baru tu.

“Kitai enda nemu nama agenda ti kebendar laban semua tanda tanya nya bisi ba Anwar empu,” ku iya nyemetak.
Sebedau tu, Anwar kala madah iya udah bulih mayuh sukung ari kaban parlimen ba pengawa numbuhka Perintah Besai.