KOTA KINABALU: Chairman Perikatan Nasional (PN) Sabah Datuk Hajiji Noor ngalihari tadi bisi dikangau betemu enggau Tuai Pemegai Menua (TYT) Sabah, Tun Juhar Mahiruddin.

Nitihka penerang ari Bernama, madahka Hajiji ti ngena blazer, besongkok enggau baju burak datai ba Astana Negeri pukul 3.55 lemai nepan entukar chura chelum.

“Aku dikangau kitu,” ku iya nyaut pandak tanya pemberita kebuah iya ngagai astana nya, ditu.

Gempung Rayat Sabah (GRS) kemari selubang penemu milih Hajiji ti mega Adun Sulaman nyadi chalun Kepala Menteri Sabah ke baru.

GRS bulih majoriti mudah megai perintah ari Parti Warisan Sabah (Warisan) lebuh Pengawa Bepilih Nengeri (PRN) Sabah Ke-16 pengudah bulih 38 ari 76 penuduk Dun Nengeri.