LAWAS: Perintah Sarawak deka ngepunka inisiatif baru enda lama agi dikena nambahka asil ngagai menua tu, ku Kepala Menteri, Datuk Patinggi Abang Johari Tun Openg.

Iya nadai nerang nyemetak pasal inisiatif nya madah, pekara nya deka dibantai enti udah datai ba maya ke patut.

Taja pia, iya meri peragam insiatif nya bisi kaul enggau pemansut asal menua tu pengudah hak ba pemansut nya diaku kort apin lama ke udah.

“Endang amat Sarawak bisi 54 peratus rizab gis ba menua tu berengkah ari Lawas nyentuk Balingian lalu ari Balingian terus ke Natuna,” ku iya seraya meri peragam pasal inisiatif nya.

Abang Johari mansutka jaku nya rambau Pengerami Makai Lemai Begulai Enggau Komuniti ba Stadium Tetutup Banting ditu, malam tadi.

Ngelansa pasal perambu pemeranak puku numbuhka Palan Mantis Minyak Lawas ku iya, pansik hidrolik deka dipejalai lalu sekeda renggat pansik enda tau enda dipejalai.